
Новото истражување покажало дека мачо мажите се подобри во сексот и дека постојат поголеми шанси жената да забремени доколку има односи со помажествен маж.
Истражувачите од државниот Универзитет на Пенсилванија, го проучувале интимниот сексуален живот на 110 хетеросексуални парови.
Мерена е симетријата на лицето на мажите, а учесниците одговарале и на прашања поврзани со оргазмите и други детали од сексуалниот живот. Утврдено е дека жените доживувале почесто оргазам додека имале сексуален однос со помажествени мажи и дека почесто доживувале оргазам пред ејакулација.
Научниците истакнале дека резултатите од истражувањето разбиваат одредени митови, помеѓу кои е и митот за тоа дека оние кои изгледаат добро се арогантни.
Сексуалниот терапевт Robyn Salisbury додал дека на добриот секс влијаат многу фактори помеѓу кои се либидото, расположението, но и "техниката".
"Добриот изглед може да биде еден од факторите, но не сум убеден дека тоа баш гарантира добар секс. Па затоа, оние кои не изгледаат толку добро не треба да очајуваат", кажал тој, а пренесува Stuff.
Студијата е објавена во списанието Elsvier's Evolution and Human Behaviour.