Наука за неизлечливата болест - Љубов | Сваштарник

Наука за неизлечливата болест - Љубов

Ljubov2

За сите нас на кого му било скршено срцето и се плашите да се заљубите, за да не се случи тоа повторно или не верувате дека љубовта постои - ќе се обидеме да ве запознаеме со процесите, кои според мислењето на научниците, се случуваат кога ќе не' погоди таа луда болест, позната како љубов. Можеби ќе се ослободите од стравовите или едноставно ќе го рационализирате целиот процес со цел да се релаксирате и да и препуштите на природата да го направи своето.

Како прво, заљубувањето се случува периодично и нема потреба да одите на доктор, веднаш кога ќе запознаете некоја личност која ви се допаѓа, поради тоа што ќе помислите дека имате првични симптоми на срцев удар или ментални болести.

Како ги бираме нашите партнери - постојат различни теории: гени, феромони, одредени карактеристики на изгледот... Но, научниците велат дека самиот процес, кога веќе ќе се случи, оди кон следните фази кои ги лачат следниве супстанци кои ќе ги наброиме.

Прва фаза - "потребата" која не' принудува да најдеме партнер, е водена од хормоните естроген и тестостерон (кој е присутен како кај мажите така и кај жените).

Втора фаза - кога ќе ја најдеме таа посебна личност... Во оваа фаза главната улога ја имаат групата неуро трансмитери: допамин, норепринефрин и серотонин ("хормон на среќата", кој е и најголемиот виновник за "привременото лудило" кое ни се случува во оваа фаза на заљубување).

Трета фаза - следи онаа фаза кога се поврзуваме со личноста... Тоа е поради лачењето на окситоцинот во овој момент (присутен е при породување, за да може мајката да се поврзе со своето дете) и вазопресинот.

Понатаму што ќе се случува со вашата врска, дали ќе потрае или не, и понатамну останува непознато, но сепак заљубувањето е нешто прекрасно што може да ви се случи, па затоа уживајете додека трае.