Откриен е клучот за подобар секс

Dobar Seks

Според американските научници, луѓето кои имаат подобри комуникациски способности и ги разбираат емоциите на другите луѓе, воглавно имаат и подобар сексуален живот. Личните особини, како што се самодовербата и независтноста исто така играат голема улога.

Како луѓето комуницираат меѓусебно и ги слушаат другите луѓе, влијае на нивното сексуално здравје и задоволство. До тој заклучок дошла студијата која анализирала податоци на околу 3200 студенти на возраст од 18 до 26 години. Испитаниците одговарале на прашања кои го мереле нивното ниво на автономија, самодоверба и сочувство, заедно со нивното сексуално здравје и задоволство.

Експерите, автономијата ја дефинирале како сила да ги следите личните верувања, дури и кога се во спротивност со конвенционалните верувања.

Самодовербата е верување во сопствените вредности и се зголемува со текот на годините, додека сочувството е способност да се ставите во туѓа позиција, да ги видите работите од другата страна и да ги разберете емоциите на другите луѓе.

Резултатите покажале дека оргазам воглавно или секој пат доживуваат 87% од мажите и 47% од жените.

Мажите повеќе уживале при орален секс со партнерките, но не и жените.

Експертите укажуваат дека резултатие се такви поради тоа што повеќето млади мажи ја сакаат секоја активност која на саканата личност ќе и овозможи задоволство. Исто така резултатие покажале и големи разлики меѓу мажите и жените во поглед на три критериуми за сексуално задоволство (фреквенцијата за постигнување на оргазам, нивото на уживање и примање на оралнниот секс).

Повисокото ниво на самодоверба, автономија и задоволство се поврзуваат со поголемото задоволство на жената, додека кај мажите најмногу влијаела емпатијата.

Јасно е дека емпатијата е клучот за добар секс, бидејќи сочуствителните поединци кои посветуваат внимание на потребите на партнерот, го добиваат истото за возврат.

Тоа што е занимливо е што емпатијата во периодот на адолесценција опаѓа и тоа може да влијае на сексуалното задоволство. Жените всушност имаат повеќе сочуство, а помалку самодоверба од мажите.