Дознајте дали сте "папучар" и како да се подобрите?

Papucar

Жените сакаат мажи кои им се приврзани, кои ги почитуваат и ги прават да се чувствуваат важни. Но само ако тоа се прави во одредена мера и ако не се "папучари".

Ако премногу се интересирате за нејзе, таа помалку ќе се интересира за вас, тоа е старо правило. Меѓутоа, тоа незначи дека треба да бидете ладен и дистанциран. Пронајдете ја вистинската мера. Не ја прашувајте постојано каде била и што правела, остајте ја сама да ви каже. Колку помалку ќе прашувате, толку повеќе ќе дознаете.

Исто така несмеете да дозволита таа да биде центар на вашиот живот и се да се врти околу нејзе, без разлика на тоа колку ја сакате. Сепак и вие имате право на работа, пријатели, хоби... не го заборавајте тоа никогаш. Убаво е да се биде џентлмен, но не и досаден џентлмен кого не го интересира ништо друго освен да и удоволи на својата девојка. Прво ќе ве напуштат пријателите и на крајот девојката.

"Папучарот" е послушен и услужлив, а не е секси и посакуван. Треба да го почитувате мислењето на својата девојка, да ги почитувате нејзините потреби и чувства, но тоа треба да биде двострано. Тоа не се однесува само на важните планови и одлуки, туку и на сексот.

Во кревет треба и двајцата да уживате, тоа е вашата заедничка сцена, а не нејзин или ваш соло настап. Не ја прашувајте постојано дали и е убаво, што сака, како понатаму... туку бидете имагинативни и гледајте ги нејзините реакции за да знаете дали сте на добар пат.

Жените сакаат коментари, но во умерена доза. Ако секој ден и кажувате како е убава и паметна, тие комплименти брзо ќе и здосадат. Дури и да е така, за секоја халина не и кажувајте дека прекрасно и стои, бидејќи таа нема да се обидува да биде подобро облечена затоа што во се ќе биде неодолива за вас.

Немојте секогаш да и бидете на располагање. Дадете си и себе си малку одмор од вашата љубов, имајте нешто свое. Дали тоа ќе биде спорт, дружење или рибарење не е важно. Оставете ја повремено сама за да сфати дека и недостасувате.