Сваштарник - Се на едно место

Тест - проверете како се заљубувате

Пред вас е тест со кој можете да ја проверите вашата способност за заљубување.

1. Која боја од овие би ја облекле на себе ?

   А. црвена

   Б. зелена

   В. црна

 

2. Кој ви е омилен пијалок од понудените ?

   А. вино

   Б. чај со малку рум

   В. кафе

 

3. Меѓу филмовите кои се прикажуваат и кои се поеднакво квалитетни вие ќе гледате :

   А. романтична комедија

   Б. акција

   В. хорор

 

4. Патувањето за кое сте се радувале се откажува поради виша сила. Ваша прва реакција и мисла е:

   A. ништо страшно, можеби ќе испадне нешто подобро

   Б. барем ќе заштедам, а можеби во иднина ќе отпатувам на друго место

   В. многу ми е криво што пропадна планот

 

5. Кој од следниве градови најмногу би сакале да го посетите ?

   А. Верона

   Б. Барселона

   В. Чикаго

 

6. Пријател/ка од вашето детство, од спротивен пол, кој не сте го виделе неколку години ве поканува на кафе. Вие :

   А. веднаш прифаќате

   Б. го проверувате вашиот распоред ,наоѓате слободен термин и се договарате

   в. избегнувате одговор, ветувате дека ќе се јавите,а ни сами не сте сигурни во тоа

 

7. Место каде би сакале да го поминете медениот месец е :

   А. тропски остров на тиркизно море

   Б. динамичен град со добар ноќен живот

   В. сеедно ви е само да се чувствувате комотно и добро

 

8. На улица здогледувате стар пар кој се држи за рака  и разменува бакнежи. Ваша спонтана мисла би била :

   А. љубовта е слатка и на стари години

   Б. малку се смешни ама симпатични

   В. не се пријатни за гледање, можат тоа да го прават и дома

 

9. За себе сметате дека во љубовта сте :

   А. идеалист

   Б. конформист

   В. реалист

 

Сега погледнете што преовладува.  Ако имате подеднакво под А , Б, В односно по три од сите читајте го типот Б.

    ТИП А - СЕ ЗАЉУБУВА ЛЕСНО, НО МОЖЕ И ДА СЕ ОДЉУБИ ЛЕСНО И БРЗО

Постојано размислувате за љубовта и сакате да бидете во врска дури и да не е добра за вас. Способни сте на објектот на вашата заљубеност да му придавате особини кои ги нема, па кога ќе го приметите тоа вие се спуштате на земја и останувате малку разочарани. Сепак вашата детинеста душа повторно наоѓа нови идеали и објекти, па повторно лесно се заљубувате. Уживате во романтична атмосфера. Иако сте искрени не  би ви штетело да станете пореални. Така вашата љубов би се основала на зрели вредности, на долги стази и  поцелосно би го процениле партнерот.

   ТИП Б -  СЕ ЗАЉУБУВА УМЕРЕНО И ПОСТЕПЕНО

Го сакате животот и неговата разноврсност. Најверојатно ја сакате природата и луѓето. Се водите подеднакво и од срцето и од разумот. Имате баланс во животот и правилно ги градите личните односи . Така можете да се усреќите себе, а и тие окулу вас. Со вас никогаш не е досадно, одмерени сте и знаете да се однесувате.  Луѓето лесно ве прифаќаат, а и вие добро се прилагодувате. Понекогаш одите по линија на помал отпор, но ако видите дека сте заглавиле и ситуацијата во љубовта не е добра, знаете да ги вратите односите во рамнотежа и да тргнете во друг правец.

   ТИП В – СЕ ЗАЉУБУВА ТЕШКО, НО КОГА ТОА ЌЕ СЕ СЛУЧИ ЉУБИ СИЛНО

Не се занесувате со недостижни идеали и цврсто стоите со нозете на земја. Сакате да ја знаете секогаш вистината, па колку и да е тешка. Со таков став релативно добро поминувате низ животот, но ви фали имагинација. Потрудете се да го задржите она мало лудило кое го зачинува животот, а вас би ве направило поинтересна и покомплетна личност. Не е лошо понекогаш да поверувате во нешто што не е логично и да бидете поспонтани. Вие имате капацитет да сакате со целото срце. Сепак треба  храбро да се препуштите на животот .