Сваштарник - Се на едно место

 Повеќе Американците умираат од хепатит С отколку од HIV, покажуваат статистичките податоци од 1997 до 2007 година.

 

Околу 3,2 милиони Американци се инфицирани со хепатит С, кој предизвикува рак и цироза на  црниот дроб а дури половина од луѓето не ни знаат дека се заразени.

 

Хепатитот С се шири преку крвта, инјекциите кои се користат за дрога се најчесто средство преку кое се пренесува хепатитот, прекуи сомнителните  трансфузии на крв како и преку незаштитени сексуални односи. Во некои случаи болеста преминува од мајката на детето.

 

Неопходно е да се подигне свеста за оваа болест и да се советуваат луѓето да се прегледаат, особено доколку се наоѓале во ризични ситуации.

 

За хепатит В постои вакцина но за С сеуште не е пронајдена. Доколку трендот на смртност од оваа болест продолжи со исто темпо, за 20 години ќе има 35 000 смртни случаи годишно во САД.

 

``Тоа што моментално можеме да го направиме се рутинските прегледи``- вели др.Јуџи Шиф.
 

Моменталниот третман за болеста подразбира коктел од лекови, вклучително и антивирал и интерферон, кои што многу луѓе тешко ги поднесуваат.

 

За две години ќе биде достапен третман без интерферон, што значи и помалку несакани ефекти и пациентите полесно ќе ја поднесуваат терапијата.